Kreu i Partisë Balli Kombëtar Demokrat, Artur Roshi, është vlerësuar së fundmi me titullin akademik “Profesor i Asociuar” nga Universiteti Politeknik i Tiranës, një arritje që shënon një hap të rëndësishëm në karrierën e tij akademike.
Megjithatë, përmes një reagimi në rrjetet sociale, Roshi e ka shoqëruar këtë moment me tone kritike, duke e cilësuar titullin si “një titull i bukur në një vend ku nuk vlen asgjë”.
Ai ka bërë gjithashtu thirrje për pjesëmarrje në protestën e 22 marsit, duke kërkuar një orientim më të fortë të shoqërisë drejt vlerave perëndimore.
