Grupi parlamentar i Partisë Socialiste ka vendosur ndarjen e drejtuesve të komisioneve parlamentare kryesore të Kuvendit.
Ulsi Manja, tashmë i shkarkuar nga posti i ministrit, do të drejtojë Komisionin e Ligjeve. Igli Hasani ëshët caktuar nga socialistët si drejtues i Komisionit të Jashtëm.
Ajo që bie në sy është rikthimi i Damian Gjiknurit në krye të Komisionit për Reformën Zgjedhore. Ndërsa Fatmir Xhafaj do të drejtojë një Komision Parlamentar të krijuar për herë të parë, që është ai i Komisionit Nisma Qytetare.
Drejtuesit e rinj të komisioneve:
Ulsi Manja – Kryetar i Komisionit për Çështjet Ligjore, Administratën Publike dhe të Drejtat e Njeriut
Igli Hasani – Kryetar i Komisionit për Politikën e Jashtme
Blendi Klosi – Kryetar i Komisionit për Veprimtaritë Prodhuese, Tregtinë dhe Mjedisin (Bujqësia)
Milva Ekonomi – Kryetare e Komisionit për Ekonominë dhe Financat
Bledi Çuçi – Kryetar i Komisionit për Sigurinë Kombëtare
Anila Denaj – Kryetare e Komisionit për Infrastrukturën dhe Burimet Natyrore
Damian Gjiknuri – Kryetar i Komisionit të Posaçëm për Reformën Zgjedhore
Fatmir Xhafaj- Kryetar i Komisionit Nisma Qytetare
