Seanca e së enjtes për ‘Plumbin e Artë’, është shoqëruar me tensione. Një incident i paprecedentë ka ndodhur në Gjykatën e Posaçme Kundër Korrupsionit dhe Krimit të Organizuar, ku tensionet mes të akuzuarit Nuredin Dumani dhe avokatit të Besian Shixhës, Ilirjan Dyzeni, kanë çuar në ndërprerjen e seancës gjyqësore.
Nuredin Dumani, ka shqiptuar fjalët: “Je në ofertë“, drejtuar avokatit Dyzeni, një deklaratë që ka shkaktuar menjëherë reagimin e avokatit. Dyzeni ka pretenduar se këto fjalë përbëjnë një kërcënim të drejtpërdrejtë ndaj tij, duke e cilësuar si presion të pastër dhe kërcënim të hapur.
Ai ka akuzuar prokurorin e SPAK, që po ndodhte gjatë seancës, për mosreagim ndaj situatës, duke e konsideruar atë një “sehir” ndaj ngjarjeve që po zhvilloheshin në sallë.
Avokati: Ky është presion, kërcënim i pastër dhe prokurori i SPAK bën sehir. Sipas avokatëve me fjalët ‘je në ofertë’, Nuredin Dumani nënkupton që ka qenë në listë për t’u vrarë.
Sipas avokatëve, fjalët e Dumanit “Je në ofertë” mund të nënkuptonin se avokati Dyzeni mund të ishte përfshirë në një listë të mundshme për eliminim, duke bërë që të gjithë të pranishmit të aludonin për lidhje me aktivitete kriminale të mëparshme.
Ky incident ka shtuar edhe më shumë tensione në procesin gjyqësor, që tashmë po trajton akuza të rënda për krim të organizuar, ndërkohë që kërkohet një hetim i detajuar mbi kërcënimet dhe tensionet që kanë shoqëruar këtë seancë.
