Shtetasi i identifikuar si Dod Gjoka, dyshohet të jetë personi i marrë peng pasditen e sotme në aksin rrugor Lezhë-Tiranë. Sipas burimeve nga policia, ngjarja mësohet se ka ndodhur pranë një lokali i njohur me emrin ‘Bezhi’ dhe ndodhet në Lezhë.
Pas një konflikti, disa persona kanë marrë forcërisht shtetasin Dod Gjoka dhe më pas janë larguar me automjet ne targa të identifikuara nga ana e policisë. Edhe autorët janë identifikuar, ndërsa janë ngritur pika kontrolli dhe vijon puna për kapjen e tyre.
