Drejtuesja politike e PD për Diasporën Jozefina Topalli ka shpërndarë disa prej mesazheve që votuesit shqiptarë nga diaspora i kanë dërguar, përmes platformave sociale dhe atyre të komunikimit.
Teksa kanë mbërritur edhe fletët e para të votimit për zgjedhjet parlamentare të 11 majit për Kuvendin e ri të Shqipërisë, ato janë plotësuar nga votuesit e parë të cilëve u janë vënë në dispozicion fleta.
Përmes një postimi në rrjetet sociale, Topalli ka bërë publike një prej mesazheve të shqiptarëve që jetojnë dhe punojnë jashtë vendit, i cili ka dhënë votën e tij për PD-ASHM.
‘Sapo votova Nr.1 , tre vota kundër regjimit nga Gjermania’, thuhet në mesazhin, që I ëhstë dërguar drejtueses politike të PD për Diasporën, Jozefina Topalli.
Teksa ka falenderuar diasporën, Topalli e ka cilësuar votën e shqiptarëve jashtë vendit, si zërin e ndryshimit dhe forcës që po shkruan një histori të re për Shqipërinë.
Mesazhi
Sapo votova!
3 vota nga Gjermania – kundër regjimit!
Këto janë mesazhet që po më vijnë në WhatsApp, Instagram, Facebook…
Zëra të qartë, vendime të forta!
Faleminderit diasporë!
Ju jeni shpresa, ju jeni zëri i ndryshimit!
Ju jeni forca që po shkruan historinë e re të Shqipërisë!
#VotoPërNdryshim
#DiasporaVendos
#ShqipëriaQëDuam
#3VotaKundërRegjimit
#FalëDiasporës
