Partia Demokratike dhe ASHM mbyllin sot fushatën elektorale për zgjedhjet që do të mbahen këtë të dielë.
Lideri i opozitës Sali Berisha ka ndarë në faqen e tij në facebook njoftimin për këtë takim madhështor.
“Sonte, ora 19:00 tek Bulevardi i Ri bashkohu përmbylljes së një rrugëtimi historik, drejt misionit për ‘Shqipërinë Madhështore’”, shkruan kreu demokrat në shënimin e tij.
Në këtë përmbyllje do të marrë pjesë edhe strategu i fushatës së opozitës Chris LaCivita.
Ndërkohë që do bëhet edhe një prezantim i fundit për të gjithë kandidatët për deputet të opozitës të cilët i dhanë tempin kësaj fushate cep me cep të Shqipërisë.
