Partia Demokratike denoncon të tjera manikacione të cilat përfshihen në skemën e ‘manipulimit’ të votës së diasporës.
Përfaqësuesi ligjor i PD-së, Franc Nuri në konferencë për median sot në mesditë tha se ka dorëzuar dy kërkesa për informacion KQZ ku kërkon pastrimin e listave nga emrat e dubluar, konkretisht shqiptarë të diasporës të cilët rezultojnë dhe në listat e PER dhe në listat e QV në Shqipëri. Kërkesa e dytë ka të bëjë me dorëzimin e zarfeve dorazi në KQZ.
“Emrat e dubluar në lista. Mund të jenë mbi 100, 137 ne patëm undësinë të identifikojmë para 2 javësh. Po bëjmë disa ditë që nuk kemi marë përgjigje zyrtare nga KQZ, se cfarë bëhet me këto emra të dubluar. Mendojmë se mund të jetë një numër më i lartë. Janë në disa qarqe.
Që do të thotë emri është regjistruar në platformën PER dhe supozohet ti ketë shkuar vota në diasporës dhe po ky emër figuron në listat e zgjedhësve të pastrohen nga emrat e dubluara. Duhet të kishte ndodhur. Ne nuk kemi marrë përgjigje zyrtare. Presim që këto lista zgjedhore të pastrohen nga emrat e dubluara. Votimi dy herë do të ishte krim zgjedhor.
Kërkesa e dytë Kemi marrë në dijeni për dorëzim zarfash nga qytetarë me votë. E kanë dorëzuar në KQZ dhe kanë tentuar ta depozitojnë me protokoll, ose e kanë sjellë jashtë kanalit zyrtar me postë DHL. Kemi bërë kërkesë për informacion të plotë për numrin e zarfeve” u shpreh Franc Nuri.
“Këto hyjnë në një kapitull tjetër që është i rrezikshëm ai i manipulimit të votës” tha Topalli.
