Një person është gjetur i vrarë me armë zjarri mëngjesin e së dielës në qytetin e Vlorës.
Policia tha se ngjarja ka ndodhur rreth orës 06:00, në lagjen “Hajro Çakërri”, ku 58-vjeçari Renato Hoxhaj është gjetur pa shenja jete në rrugë, në afërsi të banesës së tij, dyshohet i vrarë me armë zjarri.
A ishte i punësuar dhe si roje në një objekt në ndërtim pranë banesës së tij.
58-vjeçari jetonte vetëm pasi ishte i divorcuar prej vitesh dhe kishte dy fëmije të rritur. Ai ishte roje objekti ndërkohe që aty pranë kishte dhe banesën e tij. Nga banorët njihet si njeri i mirë dhe pa probleme.
Është ngritur një grup i posaçëm hetimor dhe, nën drejtimin e Prokurorisë, vijojnë hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
