Një aksident i rëndë ka ndodhur mbrëmjen e së martës në autostradën Milot-Morinë, ku një automjet tip “Benz”, i drejtuar nga një 50-vjeçar, ka dalë nga rruga. Për pasojë, dy persona kanë humbur jetën.
Sipas informacioneve nga policia, viktimat janë drejtuesi i mjetit, banues në Tiranë, dhe pasagjeri rreth 35 vjeç, i cili jetonte në një qytet verilindor të vendit.
Grupi hetimor ndodhet në vendngjarje dhe po punon për të zbardhur shkaqet e aksidentit dhe rrethanat në të cilat ndodhi ngjarja tragjike.
